Góðu næmingar og foreldur
Vit eru komin inn í jólamánaðin og sum vant, so verða onkrar broytingar í tímatalvuni. Niðanfyri kunnu tit lesa eitt stutt yvirlit yvir hvussu skúlagongdin verður í desembur og nær ymisku tiltøkini vera.
5. - 19. desembur
Vanlig skúlagongd, men tó er morgunsangurin longdur við einum sangi/søgu hvønn morgun.
16. og 19. desembur
Jólahugni fyri allan skúlan í Miðrók 3. tíma.
Týsdagin 20. desembur - fyrrapart
Jólahald fyri næmingum. Næmingarnir møta kl 9.00, tó er skúlin opin frá kl 8.00. Dagurin endar umleið kl 12.00.
Týsdagin 20 desembur - kvøldið
Jólahugni og framførslur fyri næmingum og foreldrum kl. 18.00.
Flokkarnir sum framføra eru: 0., 1., 3. og 5. flokkur, umframt skúlaorkestrið.
Aftaná bjóða foreldraumboðini í flokkunum sum framføra ein drekkamunn í stovunum.
Mikdagin 21. desembur
Jólaguðstænasta í Argja kirkju. Vit møta í kirkju soleiðis:
Miðdeild og Hádeild kl. 10.00 - 11.00
Grunddeild kl. 11.00 - 12.00
Skúlin er tó opin kl. 8.00, so til ber hjá teimum yngru at møta fyrr.
Tá kirkjugongdin er liðug er jólafrí. Næmingarnir í hádeild fáa støðumet frá flokkslærarunum eftir kirkjugongdina.
Tey, sum skulu í frítíðarskúla, fylgjast við lærarunum niðan í skúlan aftur.
Skúlin byrjar aftur 3. januar kl 8.00.