Okkum tørvar tveir námsfrøðingar í fast starv til Ljósástovu at byrja mánadagin 25. mars 2024.
Lønarbrotið er 0,85
Frágreiðing um skúlatilboðið Ljósástova
Skúlatilboðið hoyrir undir skipanina um serflokk. Tað er eitt samstarv millum Sernám og Skúlan á Argjahamri. Skúlatilboðið er eitt undirvísingartilboð, har veitt verður serundirvísing, sernámsfrøðilig átøk og sernámsfrøðiligur stuðul. Málbólkurin eru næmingar í fólkaskúlanum, sum ikki fáa nøktandi skúlatilboð í vanligu skipanini í fólkaskúlanum. Lesið og síggj myndir her: https://sah.fo/?p=626
Stað
Ljósástova heldur til í nýggjum hølum í norðara enda í Látrinum.
Førleikakrøv
Vit hava tørv á útbúnum námsfrøðingum. Tað er ein fyrimunur, um umsøkjarar hava arbeiðsroyndir innan serøkið.
Okkum tørvar starvsfólk sum:
• eru fyrikomandi og jalig
• hava breitt menniskjasýni
• hava áræði at taka ábyrgd
• duga at samstarva í toymum
• dáma avbjóðingar og hugsa kreativt
Lønar- og setanartreytir
Setanarøkið er Skúlin á Argjahamri. Námsfrøðiligu tímarnir verða løntir sambært sáttmálanum millum Fíggjarmálaráðið og Føroya Pedagogfelag.
Barnaváttan verður kravd í samband við setan.
Umsóknir
Umsóknir við avriti av prógvum, c.v. og møguligum ummælum skulu verða skúlanum í hendi í seinasta lagi týsdagin 12.03.2024
Meira fæst at vita við at seta seg í samband við Marin Sigvaldsdóttir Bláberg, skúlastjóra á tlf. 224240, ella á t-post: marin.sigvaldsdottir@skulin.fo
Ljósástova
Áin og vatnið sunnanfyri Skúlan á Argjahamri eita Ljósá. Staðið verður nógv vitjað av skúlanum. Navnið umboðar ljósið, hesi børnini eru, og tað ljós, ið verður veitt teimum í Ljósástovu.