Visiónir fyri Skúlan á Argjahamri

Á Skúlanum á Argjahamri vilja vit skapa eitt skúlaumhvørvi, har øll kunnu læra, trívast og kenna seg heima. Tí leggja vit dent á at:

• fagna ymiskleikanum og styrkja eitt trygt og sterkt felagsskap
• nýta nátturuna sum íblástur, læriøki og uppliving
• nýta tøkni á ein ábyrgdarfullan hátt, so hon stuðlar læring og forvitni

Virðir fyri Skúlan á Argjahamri

Við flutninginum í nýggjan skúla og nýggj hølisumstøðu hava vit endurskoðað okkara virðir og mál. Virðisgrundarlagið er savnað í fýra “Á”, sum eru grundsúlurnar undir tí, vit standa fyri.

Hesi eru:

• Ábyrgd
• Álit
• Ágrýtni
• Ávirkan

Ábyrgd: Vit taka ábyrgd – fyri okkum sjálvi, hvørjum øðrum og felagsskapinum. Vit vísa virðing og umsorgan í verki.

Álit: Álit er grundarlagið undir trivnaði og góðum samstarvi. Vit byggja álit við at vera álítandi, fyrikomandi og greið í okkara samskifti.

Ágrýtni: Vit verða eggjað til at vera ágrýtin og arbeiðssom. Vit halda fram, eisini tá tað er trupult, og vit læra av at royna.

Ávirkan: Vit eru tilvitað um, at vit øll hava ávirkan. Okkara val, okkara orð og okkara atburð kunnu styrkja læring, trivnað og felagsskap.