Foreldraviðtalur aftur á skránni :)

Mikudagin 18. oktobur og hósdagin 19. oktobur vera foreldraviðtalur. Boð liggja á facebook og her á síðuni

Føstulávint!

Mánadagin 20. februar 2023 verður fastalávintshald við tunnusláing her á skúlanum.

Næmingarnir møta grýluklæddir kl. 9:00. Skúlin letur upp áðrenn kl. 8, um onkur hevur brúk fyri at møta fyrr.

Okkurt leskiligt verður at fáa, og ársins grýlur verða valdar.

Tað er vanlig skúlagongd týsdagin 21.februar

Skúlin á Argjahamri

Hey!

Týsdagin 20. septembur fer 4. flokkur til myndatøku.

Tað verða bæði einstaklingamyndir og floksmynd tiknar, og kostar hetta 300 kr.

Um tú bert ynskir floksmynd, kostar hon 100 kr.

Myndir verða tiknar av øllum næmingum, men um tit ynskja myndir, so skulu tit flyta upphæddina á konto 9181-5376981 og viðmerkja navn og floksheiti.

Tað er Finnur Justinussen, sum verður fotografur.

Vh. Toymið

Hey øll somul!

Takk fyri ein góðan foreldrafund.

Fríggjadagin fingu børnini allar skúlabøkurnar við heim, so skúlataskurnar vóru SERA tungar. Tað bleiv næstan ein kapping, hvør hevði tyngstu skúlataskuna :) 

Á foreldrafundinum avtalaðu vit, at skúlabøkurnar fara at liggja heima, tá ið tær ikki verða brúktar í skúlanum. Hetta hevur við sær, at skúlataskan má pakkast eftir vikuætlanini hvønn dag ella hvørt kvøld.

Hetta er samstundis ein gyltur møguleiki hjá tykkum foreldrum, at síggja skúlabøkurnar og hvat tað er, sum børnini gera í skúlanum. Eisini kann hetta vera ein góður máti, at læra børnini at brúka vikuætlanina :)

Tit eiga tey raskastu børnini!

Vh.

Toymið

Felags foreldrafundur

Felags foreldrafundur verður 8. septembur frá kl 19.00-21.00

Vit byrja í Miðrók, har Gitte Klein kemur at hava eitt upplegg um skíggjaráðini og gransking.

Síðani fara vit í floksstovuna til kunning, velja eitt foreldraumboð og eitt varaforeldraumboð, umframt at velja tvey foreldur í trivnaðarbólkin.

fundurin er lokin kl 21.00

Vælkomin í 4.a!

SUM vit hava glett okkum :)

Nú eru vit byrjað í 4. flokki og eru flutt inn í miðdeild. So mega spennandi!

At ganga í miðdeild er ikki akkurát tað sama, sum at ganga í grunddeild.

Í miðdeild eru telefonreglur. Vit byrja morgunin við, at leggja telefonirnar í ein kassa, sum verður goymdur inni á lærarastovuni. Næmingarnir fáa telefonirnar aftur, tá ið skúladagurin er liðugur.

Um so er, at næmingur brúkar telefon uttan loyvi, so verður telefonin latin skrivstovuni og foreldur kunnu heinta hana har.

Í miðdeild er eingin mikroovnur, so um børnini ikki tíma at eta kaldar døgurðarestir, verður hetta ikki viðmælt at hava við í matpakkanum.

Annars hevur flytingin yvir í miðdeild gingið ordiliga væl, og vit halda, at 4.a longu er byrjaður at kenna seg heima í miðdeild.

Hetta kann bara blíva gott!

Bestu heilsur toymið :)