Mikudagin 11.01.2023 høvdu vit vitjan av SSP løgreglukvinnuni Susan. Hon dugdi sera væl at greiða frá harðskapi og revsiváttan.

Túrur í Havnini
Í samband við lærugreinina søgu hevur 9.b verið ein túr runt í Havnini fyri at kunna okkum um søgulig støð.
Vit byrjaðu í Vágsbotni, gingu út á Jomfrubakkan. Fóru inn í Miðlahúsið, har Eirikur fortaldi okkum um søguna um húsið frá smuglaravirki í Einahandilstíðini, til Restorff og Heinesen handil, inntil Valdemar Lützen keypti húsið og til at húsið gjørdist Miðlahúsið.

Seinni fóru vit niðan á býráðið fyri at hoyra um søguna hjá býráðnum. Borgmeistarin Heðin Mortensen tók móti okkum og vísti okkum býráðssalin, søguna um býráðssalin og økið har umkring.
Tey sluppu at sita í stólunum hjá býráðslimunum og sluppu at siga sína hugsan um førda politikkin hjá byráðnum og fingu høvi at koma við teirra íkasti.
Aftaná fóru vit inn í býráðshúsið, har vit hoyrdu meira um søguna hjá Havnini og eisini framtíðarætlanir hjá kommununi á Argjum, og hvat tey hildu um staðsetingina av nýggju kirkjuni.
Til seinast var ta søgan um Vaglið, Havnará, og økið har um leiðir.

Vit hittust við gamla studentaskúlan og gingu niðan á Garðaveg, har vit fóru framvið hjá Annleyg Patursson. Annleyg arbeiðir á Tjóðsavninum, og hon røkir plantugarðin í Kúrdalsvegi í gomlu Hoyvíkingini.
Men harafturat elur hon føroyskar plantur til føroyska plantugarðin, tær elir hon heima við hús, har hon hevur um 120 føroyskar plantur í urtagarðinum.

Í plantugarðinum greiddi Annleyg Patursson frá søguni hjá plantugarðinum og ætlanum framyvir.

Vit hava umleið 330 føroyskar plantur, og plantugarðurin hevur umleið 170 av hesum plantum.

Á veg heimaftur var opið inni í Hoyvíksgarði, so har fóru vit eitt lítið rend inn, áðrenn vit tóku bussin út aftur á Argir.

Hósdagin 16.06. var flokkurin í Klaksvík og vitjaði á Føroya Bjór. Síðan gekk leiðin til smoltstøðina hjá Bakkafrost á Strond. Ein deiligur dagur!

Foreldraumboðini í 8.b skipaðu fyri einum væleydnaðum hugnakvøldi fyri næmingunum við familju. Nógv gott var at eta, og foreldraumboðini skipaðu fyri nøkrum stuttligum spølum, sum bæði smá og stór kundu vera við til.

í dag hevur flokkurin arbeitt í bólkum. Bólkarnir høvdu hvør sítt evni, sum teir lósu, gjørdu eina plakat til og løgdu fram. Allir næmingarnir løgdu sítt fram fyri trimum øðrum úr hinum bólkunum. Hetta kalla vit ekspertkarusellen, og er hetta ein góður máti at fáa øll virkin, og at fáa øll at leggja fram, uttan at tað skal kennast møtimikið.

Vit hava vitjað serframsýningina "Landslag í broyting". Eitt starvsfólk á Listasavninum vísti okkum runt og greiddi frá ymisku listasverkunum, sum var alt frá gomlum landslagsmálningum til virtual reality, ein sera áhugaverd framsýning!

Í desembur mánaði las Elin søgur fyri næmingunum á bókasavninum. Tað var ein sera hugnalig løta!

Í lívfrøði hava vit arbeitt við mannakroppinum, har vit hava tosað um hjarta og lungu. Komandi undirvísingartímar fara vit at hava um sodning og læra um uppgávurnar hjá ymisku gøgnunum sum maga, livur, tarmum og nýrum.
Í hesum sambandi høvdu vit útvegað okkum ein seyðamør við vælindi, lungu, hjarta, livur og nýra.
Vit tosaðu um uppgávurnar hjá vælindi, lunga, hjarta, livur og nýra.
Næmingarnir fingu høvi at skera í mørin og m.a. sóu vit hinnur í hjartanum, sum allarhelst skilir hjartakømrini.
Vit fara seinni í hesum skúlaárinum at hava um landbúnað, har vit koma inn aftur at hetta