Brotin tímatalva
Seinastu dagarnar, fram til summarfrítíðina, hevur 2. flokkur arbeitt við ”brotnari tímatalvu.”
Hetta er fyrstu ferð at 2. flokkur arbeiðir við brotnari tímatalvu.
Í høvuðsheitum snýr tað seg um, at vanliga tímatalvan er niðurløgd og ein nýggj tímatalva verður tikin í brúk.
Tað serliga við tímatalvuni er, at har eru nakrar ávísar uppgávur, ið næmingarnir skulu gera, áðrenn vikan er úti.
Næmingarnir stýra síðani sjálvir, hvørjar uppgávur teir fara í gongd við og velja somuleiðis, nær teir gera tað.
Tá arbeiði er liðugt, seta tey ein kross við lidnu uppgávuna.
Uppgávurnar eru ymiskar, og allar lærugreinarnar eru umboðaðar.
Í staðin fyri at rætta hondina upp, tá tey hava tørv á hjálp, hava tey fingið eitt pappstykkið, ið tey heingja á talvuna. Tá lærarin sær hetta fer hann yvir til næmingin at hjálpa.
Stovan verður inrættað nakað øðrvísi.
Næmingarnir velja sjálvir, hvar teir sita og arbeiða.
Tað kann vera á gólvinum, í sekkjastólum, við borð o.s.fr.
Eisini er floksstovan inrættað við onkrum ”kontórum” eisini.
2. flokkur hevur nú roynt hetta í 3 dagar.
Hetta hevur eydnast eydnast sera væl. Næmingarnir duga væl at stýra síni egnu tímatalvu – hetta er øðrvísi og góð ”avveksling” frá vanligu tímatalvuni.
”Hetta er gott, tí vit sleppa sjálvi at avgera, nær vit gera hvat, og so kunnu vit eisini gera eitt sindur av onkrari uppgávu í senn, ístaðinfyri at vit skulu gera alt liðugt beinanvegin.” – sigur ein vælnøgdur næmingur í 2. flokki.
Undirvísararnir lata væl at úrtøkuni - tey eru Jóanes, Eyðbjartur, Nina og Randi

Evning holdið í 4. flokki var úti og teknaði í góðveðrinum í dag. Uppgávan í dag var ein "zoom-uppgáva", tvs. vit eygeiða, forstørra og tekna.

Mánadagin 4. mars var árliga føstulávintshaldið í skúlanum. Sum siður er, so møttu næmingar flestir í grýluklæðum og sigast má at kreativiteturin er í hásæti. Sí myndirnar :)

Ein kaldan týsmorgun í januar, vandi 9. flokkur judo í høllini á Hálsi.
Judo venjararnir, ið báðir hava verið føroyameistarar í judo, vóru bergtiknir av, hvussu væl hesi ungu dugdu.
Nei, 9. flokkur er ikki fyri nothing!

Jólatræið í skúlanum er komið upp og nú ber til at fegnast um tað í komandi døgum til jólafrítíðina.

Hetta árið er tað 2.flokkur sum hevur prýtt træið og sum nakað heilt serligt

er pyntið endurnýtsla úr gomlum kovboybuksum. Spennandi at síggja, hvussu væl er komið burtur úr.

Seinasti fríggjadagur í Novembur, plagar at merkja jólahugni. Í ár var einki undantak. Sí myndir frá degnum :)

Í dag hevur køksholdið gjørt leskiligt køkuborð av avlopsfrukt og avlopsgrønmeti, sum tey hava fingið frá einum matvørðuhandli. Maturin var á veg í skrell, men var enn góður, og køksholdið fekk væl burtur úr.

Skrivað hevur Martin Heldarskarð, miðlatoymið

Í kanningarbólkinum eru tey 51 næmingar, sum eru deildir upp í minni bólkar. Bólkarnir vóru í gjár úti og kannaðu hvussu nógvur matur fór í skrell í ymsum handlum og matstovum. Í dag hava bólkarnir gjørt plakatir o.a. um matspill.

Skrivað hevur Martin Heldarskarð, miðlatoymið

Í 1.flokki hava tey endurnýtt eggjabakkar og í 2. flokki hava tey endurnýtt kovboybuksur.

Í 3 flokki hava tey límað bløð á glaskrukkur, gjørt seglbátar úr eggjabakkum, og so hava tey eisini gjørt akvarium. Harumframt hava tey brúkt vesirullur til at gera figurar, so sum uglur og gular Minions.

Vit hava tosað við læraran í 3. flokki, Bjørg Akraberg Poulsen, hon sigur soleiðis:
“Børnini fara at brúka gløsini til at gera ljósastakar, sum kunnu hangast upp, t.d. á trøð.”

Í 3. flokki ganga 47 næmingar, vit hava tosað við ein teirra.
“Eg havi málað ein bát, og eg havi eisini klippt og teknað. Hetta hevur veri ein ordiliga stuttligur dagur.”, sigur Saxo, næmingur í 3. flokki

Skrivað hevur Martin Heldarskarð, miðlatoymið

Kreativi bólkurin í hádeild heldur, at tað er sera stuttligt og hugnaligt, at vera saman við vinum og arbeiða kreativt.
”Eg hevði ynkst, at vit høvdu nógv fleiri kreativ fak í hádeild” sigur ein næmingur.

Hesar dagarnar fara tey at endurnýta plastposar, ið tey gera til taskur. Tey fara eisini at planta tomatir, ið vata seg sjávan. Harafturat endurnýta tey sokkar og gera fittar bamsur burturúr gomlu sokkunum.

Skrivað hevur Bjørg Sigtórsdóttir, miðlatoymið

Í Miðdeild arbeiða flokkarnir við ymiskum evnum, ið øll hava okkurt við endurnýtslu og umhvørvið at gera.

Í 4 flokki gera tey telefon haldarar burtur úr vesrullum, síðani fara tey at stoypa pappír og gera standmyndir burtur úr endurnýtslu. í 5 flokki gera tey erkjur, endurnýta sokkar og gera brúktar glaskrukkur til penar flottar krukkur.

6.flokkur hevur verið í Endurnýtsluni og fingið frágreiðing um, hvat tey gera har. Síðani fóru tey til Dugna, har tey sóu verkstaðin og hvat tey arbeiða við.

Næmingarnir í miðdeild halda tað vera sera stuttligt og spennandi at sleppa at arbeiða annaleiðis.

Skrivað hevur Bjørg Sigtórsdóttir

Smíð verkstovan á Skúlanum á Argjahamri, er ígongd við at gera eitt langborð og ein kompostkassa. Langborið skal niðan á hádeild at standa. Tey fara at gera langborið av plankum, ið eru endurnýttir frá einum byggipalli á Glasir.
Kompostkassin skal eisini smíðast við endurnýtslutilfari. Her nýta tey plattar, sum tey hava tikið sundur.

Vit hava spurt Allan Michelsen, sum er lærari í smíð verkstovuni, hví tey gera kompostkassa:
“Skúlin fer at fáa nýggj ruskíløt, har sum man koyrur mat í, tað skal samlast saman og koyrast í kompostkassan”, ljóðar tað frá Allan.

Á verkstovuni eru 11 næmingar. Tveir av teimum eru Heini og Ári í 8.a. teir eru sera glaðir fyri at vera á smíð verkstovuni.

“Vit hava skorið eina rúgvu av brettum, vit hava eisini hjálpt við at gera langborið og hála brettir úr byggipallinum. Vit valdi smíð tí at man ger okkurt saman” ljóðar tað frá Heina.

“Ja, tað er øgiliga sosialt” sigur Ári og leggur afturat, “Vit báðir dáma ordiliga væl smíð”.

Skriva hevur Martin Heldarskarð, miðlatoymið.

Í køkinum angar gott. Næmingar frá 7. – 9. flokki gera diskosuppu og hava tað sera hugnaligt, men tey hava nógv at gera. Køksholdið skal í dag gera suppu til 380 børn, tí allir næmingarnir skulu fáa smak av suppuni. Disko suppa hevur ikki eina ávísa uppskrift, tí tað er ein avlopssuppa, ið er gjørd av mati, sum annars vildi verið koyrdur í skrell. Í dagsins disko suppu er m.a. piparfruktir, leykur, gularøtur og tomatir. Í morgin fer køksholdið at gera supputerningar og møguliga baka ein kaku.

Skrivað hevur Bjørg Sigtórsdóttir, miðlatoymið

Í seymiverkstovuni eru tey 15 næmingar úr 7. - 9. flokki. Tey seyma toy taskur, at brúka staðin fyri plastposar. Taskurnar vera gjørdar úr toyrestum.


Skrivað hevur Silja Vang Toftegaard, miðlatoymið :)

í allar fagrasta heystarveðrið var renningardagurin avgreiddur. Sera ágrýtin og røsk børn, runnu í flestu førum 10 km!
Á 10 km markinum fekk man kakao, sum Jóanes og Hans Fróði høvdu hitað. Á málinum fingu næmingarnir bananir og sunkist.

5. flokkur í heimkunnleika tóku eplir upp 11. septembur, sum vóru sett niður í vár.
Eplini vóru gjørd til kips. Næmingarnir vóru sera yvirraskaði av, at tað kundi smakka so væl og enn tá kom úr okkara egnu veltu!

Krúnprinsafamiljan var á vitjan í dag.
Marjun, Sìmun og Ann tóku ímóti og vístu teimum runt.
Eisini framførdu børn í innskúlingini, 5. flokk og 8. flokkur fyri teimum.

Fiskikappingin hjá Westward Ho fór av bakkastokki í dag og vóru vit fyrsti skúlaflokkur at royna okkum. Vit kláru 39 fiskar og stórsti fiskurin vigaði 2,8 kg. Sunrid dróg hann inn!
Sera góður túrur og takka vit manningini fyri tað. Uttan hana var eingin kapping!