Hey tit :)

Vit í forskúlanum eru farin í holt við eina bygd. Tað serliga við bygdini er, at allir næmingarnir í forskúlanum búgva har. Tey hava gjørt teirra egna hús, sum er staðsett á teirra egnu gøtu.
Vit fara framyvir at gera spælipláss, runnar, trø og ymiskt annað, sum hoyrir til bygdina.

Vit hava eitt problem, bygdin hjá okkum hevur einki navn. Tí hugsa vit, at tit, saman við børnunum, kunnu koma við einum uppskoti.
Vit ynskja at fáa uppskotið tá heystferian er liðug.

Vit trý fara at ynskja tykkum eina ordiliga góða heystferiu :) síggjast aftur mánadagin 18. oktobur.

Vælkomin í skúla

Hey góðu børn og foreldur :-)

VIt í forskúlanum á Argjahamri gleða okkum at hitta tykkum.

Fyrsti skúladagur er ein spennandi dagur. Tit eru spent, foreldur tykkara eru spent og vit starvsfólk eru eisini spent at sleppa at heilsa upp á tykkum og læra tykkum at kenna. 

Forskúlin møtir kl. 13.00 mikudagin 18. august. Foreldur og næmingar møta í høllini.

Tá vit hava verið í høllini eina løtu, og hava heilsað uppá starsvsfólkini í forskúlanum sleppa næmingarnir inn í flokshølini at síggja, hvussu teirra stova sær út. 
Tá vit eru liðug við tað er fyrsti skúladagur liðugur. 

Frítíðarskúlin vil fegin bjóða tykkum inn at vitja, so tað er møguligt aftaná tit hava vitjað í forskúlanum.

Vit síggjast síðani hósdagin 19. august kl. 8.00, tá byrjar vanligi skúladagurin.

Vit síggjast :-)