Næmingar
Tíðindi

Skrivlig próvtøka 2018  9. flokkarnir

 

Til næmingin

Møt í seinasta lagi 15. min. fyri ásettu tíðina.

Kemur tú ov seint, vent tær til skrivstovuna tlf 302510.

Hav telduna við (um hon ikki longu er sett upp í próvtøkuhølinum)

Fartelefonir skulu sløkkjast og leggjast á borðið, sum vaktirnar vísa á.

Netið er opið undir próvtøkuni, og allir hjálparmiðlar eru loyvdir. Hetta merkir, at tú kanst leita tær vitan á alnetinum og kanst hava lærubøkur, gamlar uppgávur, frymlar og annað tilfar við til próvtøkuna.

Í fimisrokning hevur tú ikki loyvi at brúka nakað slag av lummaroknara, men annars allar hjálparmiðlar, sum eru nevndir omanfyri.

Greiðslurokning verður skrivað á pappír og tekningar og geometriskar konstruktiónir kunnu gerast við blýanti – Minst til vælútgjørt pennahús, lummaroknara og gulu handbókina.

Tú hevur loyvi at samskifta við vaktirnar í próvtøkuhølinum. Einki annað samskifti er loyvt – hvørki á netinum ella við næmingar í próvtøkuhølinum.

Ver sitandi alla tíðina, meðan próvtøkan er.

Bið vaktina um loyvi, um tú skalt út.

Hav fyrilit og hugsa um ikki at órógva hini.

Hóast internetið er loyvdur hjálparmiðil, so er týdningarmikið at minnast til, at tú skalt gera tína egnu uppgávu. Tað vil siga, at tað er ikki loyvt at kopiera uppgávur av netinum. Sjálvandi kanst tú fáa hugskot og íblástur av netinum, og tú kanst eisini endurgeva tekst, um tú vísir til kelduna.

Næmingur, ið ikki fylgir reglunum, kann verða burturvístur frá próvtøkuni.

 

                                                                                                                                                                                               Sah2018

Seturskúli 16. - 18.mai

Kostnaður : 500,-  (verður avlop, so fáa tit pengar aftur) - Lovisa skal hava pengarnar týsdagin

  • Tit skulu møta á Farstøðini mikumorgunin kl.9.00
  • Bussurin koyrir úr Sørvági fríggjamorgunin kl.10.20

Matur at hava við:

  • 25 bollar: Angela, Rò, Bjarta, Halla, Kristina R, Rakul, Anna, Jón Baldur, Mortan, Kristina O
  • 1 stór skuffukaka: Anna Lóa, Astrid
  • 1 fløska av saft frá Fø.bjór: Jonas, Rani, Hanus, Gudmundur, Bjørg, Jóan Pauli

Ymiskt at hava við:

  • 70,- til lummapengar (ikki kort, men reiðan pening)
  • soviposa
  • undirlag ella madrassu
  • tóman matpakka og dunk
  • tóman ryggsekk
  • telefon - verður brúkt við loyvi frá Lovisu!
  • toilettgreiðir + sólkrem :) 
  • svimjiklæði
  • handklæði
  • klæði eftir veðrinum
  • 2 pør av góðum gangiskóm (ella gummistyvlar) - vit skulu ganga nógv!
  • spøl

Endaveitlsan hjá 9. flokki

Til foreldur at næmingum í 9. flokki.

Endaveitslan hjá 9. flokkunum hevur ikki verið hildin í skúlanum seinastu árini.

Orsøkin til hetta er, at alt ov ofta hevur rúsdrekka verið uppií, og hetta ynskja vit ikki, og uppruddingin hevur verið so, sum so.

Í staðin hava tey tá leigað t.d. AB-húsið og hildið veitsluna har. (Tá hava foreldur verið við, at standa við ábyrgdini.)

Í ár er 9. flokkarnir í tí keðiligu støðu at eingi hóskandi hølir eru tøk hóskvøldið 31. mai.

Eg havi tí játtað teimum at halda endaveitsluna í skúlanum, treytað av at foreldur taka ábyrgdina saman við næmingunum fyri hesum tiltaki.

Treytirnar fyri at nýta skúlan eru, at minst trý foreldur eru saman við næmingunum í 9. fl. at tryggja, at rúsdrekka ikki er partur av tiltakinum, og at tá liðugt er, verður ruddað av, so skúlin er klárur til vanliga skúlagongd fríggjamorgunin.

Vinarliga   Marjun Holm, skúlastjóri

PISA 2018

18. apríl í høllini á Stórheyggi

Kunning til heimini um tilgongdina

Næmingarnir sum skulu til PISA kanningina, skulu møta kl 8.30 á Argjahamri, har bussur stendur klárur. Saman við lærara fara teir heim til Havnar í høllina á Stórheyggi, har kanningin verður hildin.

Próvstovan skipar vegna Mentamálaráðið fyri PISA kanningini.

Sjálv PISA kanningin byrjar kl. 9 og næmingarnir hava atgongd til hølið einar 10 minuttir áðrenn.

PISA 2018 er í fleiri pørtum:

Fyrst er stutt frálæra í skipanini.

Síðani kemur sjálv PISA kanningin, ið er í tveimum eindum. Hvør eind varir 60 minuttir.

Eftir stuttan steðg kemur seinasti partur av PISA kanningini. Í hesum parti skulu næmingar svara spurningum um bakstøðið hjá sær.

Hetta eru spurningar, ið millum annað kunnu vera um útbúgving hjá foreldrum, arbeiðsvanar í skúlahøpi, trivnað og nýtslu av KT.

Lærarin, ið kemur við næmingum til kanningarstaði, er tøkur meðan kanningin er.

Kanningin er ein samanhangandi heild. Næmingarnir eru í kanningarhølinum alla kanningartíðina.

Umráðandi er at hava fløsku við vatni og onkra frukt við sær.

Næmingarnir mugu ikki fara úr hølinum teir umleið 4 tímarnar, PISA kanningin varir.

Ikki tykkum at siga – týdningurin av at vera væl svøntur og hava etið ein góðan morgunmat, skal ikki undirmetast!

Biðið eisini næmingin taka royndina í álvara og gera sítt besta J

 

Skúlin á Argjahamri

Marjun Holm, skúlastjóri

Floksmyndatøka verður hósdagin 15-03-2018

1. flokkur - 4. flokkur - 7. flokkur - 9. flokkur

 

Myndapakkin kostar  kr. 250,00

Peningurin skal flytast á konto  6460  2201536


Um næmingar ikki ynskja einkultmynd, skulu teir bara á felagsmyndina!!!

Ofta taka næmingar einkultmynd, men tá ið gjaldast skal, vilja teir ikki hava myndina.

 

Hey tit!

Fríggjadagin 2. mars skal 9.flokkur til kunningartiltak á Skúlanum á Fløtum.

Kunningin er í Auluni á Frælsinum og tit møta har.

Skrá:

Kl 8.00 - 9.30 Glasir
Kl 10.00 - 10.45 Miðnám í Vestmanna
Kl 10.45 - 11.30 Tekniski Skúlin í Klaksvík
kl 13.00 - 13.45 NámX

Vh
Nina

sangir til kirkjugongdina

Foreldra- og næmingaviðtalur 28.nov.

Felags foreldrafundur á Hádeild

Mikukvøldið 4. okt. 2017 kl.19 verður felags foreldrafundur fyri foreldur á Hádeild.

Møtt verður í Miðrók, har Jógvan Fríðrikson fer at tosa um evnið: Løtur við trivnaði.
Síðani verður ein kaffisteðgur, áðrenn farið verður inn í flokshølini, har toymið fer at kunna um ymiskt, sum hevur við flokkin at gera.

Vit gleða okkum at síggja tykkum fjølment!!

Skrivigleði 2017. 
 
Góðu foreldur! 
 
Skúlin á Argjahamri fer at hava eitt skriviátak, sum vit kalla Skrivigleði 2017 , har allir næmingar skúlans fara at skriva frían tekst ein tíma um dagin. 
 
Hetta er í tíðarskeiðnum frá 27. til og við 29.september. 
 
Hvør einstakur næmingur fær eitt serligt skrivihefti frá skúlanum til júst hetta skriviátakið. Og vit øll vóna, at skrivigleði 2017 verður til gleði og gangs fyri børn tykkara. 
 
Kanningar vísa, at tað, ið ein næmingur festir á blað mennir fatanina og harvið lesingina, og at skriving eisini er ein háttur hjá næminginum at ogna sær vitan. 
 
Í hesum átakinum, skal barn tykkara skriva út frá egnum hjarta, egnum høvdi – ella sum ein sigur:” frá livrini”. Barnið fer at fáa ymiskar uppgávur hesar dagar, har møguleiki verður at menna førleikan at skriva frían tekst. 
  
Tann fjalda læran er, at hvør einstakur næmingur skal finna sína skrivigleði fram og fáa kensluna 'at megna' fram. Vónandi eisini hugin at skriva og hugsanina, at tað er ikki so galið ella torført at seta orð á pappír. 
 
Uppgávan hjá foreldrunum er, at barn tykkara hevur góðan blýant við, og at barnið er úthvílt og væl fyri, tá tað kemur í skúla. 
 
Tað verður flokstoymið, ið ger av, hvussu skrivitímin fer fram og nær á degnum tímin er. 
 
Vit gleða okkum øll til skriviátakið Skrivigleði 2017 
 
Vinarliga  
 
Leiðslan, Varðin og Lesivegleiðarin  

Val-lærugreinir

Týskt: Angela, Anna, Anna Lóa, Astrið, Bjarta, Halla, Kristina R, Rakul, Ró, Hanus, Jóan Pauli, Mortan og Rani

Alisfrøði: øll uttan Jóan Pauli og Jonas ??

Spanskt: Bjørg, Kristina R og Gudmundur

Tònleikur: Bjørg, Gudmundur og Jóan Pauli

Heimkunnleiki: Anna, Anna Lóa, Astrid, Bjarta, Bjørg, Kristina O, Kristina R, Rakul, Mortan og Jón Baldur

Hjartaliga vælkomin aftur í skúla :)

TIt møta í skúla mikudagin 16.aug kl.10.00

Vit gleða okkum at síggja tykkum :)

Útferð 8.juni

Vit fara at ganga úr Hvalvík til Vestmannar :)

Vit koyra við bussi av Farstøðini kl. 9.20 - tvs. at tit møta á Farstøðini kl.9.10

Tá ið vit eru komin til Vestmannar fara vit á Søgusavnið, og so venda við nøsini til Havnar aftur við bussinum kl.16.20. Bussurin skuldi verið í Havn kl.17.15.

Havið góðan matpakka og góð klæði og skógvar við tykkum.

Túrurin er ókeypis

Vit síggjast :)

Bl.h. Lovisa og Krisjan

Trivnaðar- og nøgdsemiskanning í skúlanum á Argjahamri. Argir, 5. juni 2017

Góðu foreldur

Í samband við endurskoðan av trivnaðarætlan skúlans, hava vit sett okkum fyri at gera eina trivnaðarkanning á skúlanum skúlaárið 2016/2017.
Vit ynskja at fáa innlit í, hvussu støðan er á okkara skúla, fyri at kunna seta út í kortið ætlanir fyri komandi árini.
Vit hava biðið Gallup Føroyar gera kanningina, hvørs endamál at finna út av hvussu trivnaðurin er í skúlanum, og hvussu nøgdsemið er við skúlan.
Teldupostur verður sendur frá Gallup Føroyum fríggjadagin 9. juni við leinkju, brúkaranavni og loyniorði til at innrita seg í eina skipan, har spurningarnir eru.
Vit fara at heita á tykkum foreldur, um at svara kanningini saman við barni tykkara, soleiðis at úrslitini verða so eftirfarandi, sum gjørligt. Hetta tekur bert fáar minuttir.
Um tit foreldur hava fleiri børn í skúlanum á Argjahamri, fáa tit ein teldupost við brúkaranavni og loyniorði fyri hvørt barnið. Vit mæla eisini til at svarað verður saman við hvørjum barni sær.

23 spurningar er við undirspurningum í hesum økjum:
- visjón og virðisgrundarlag
- kunning
- samskifti
- menning
- innihald
- trivnaður
- happing
- skúlaumhvørvi
- skúlastýri
- heimasíða

Flestu spurningar hava stiga frá 1 til 10, har 1 altíð er tað lægsta, minsta, ringasta v.m.
og 10 altíð er tað hægsta, størsta, besta v.m.
Kanningin er frá 9. juni til og við mánadagin 19. juni 2017 á midnátt.
Við vón um góða undirtøku.

Vinarliga
Skúlin á Argjahamri, Marjun Holm

Várframsýningin verður 10.mai

Frá kl.16.00 til kl.20.00.
Tónleikurin fer á pallin kl.18.30

Skrivlig roynd 8. flokkur

Føroyskt

22. mai 2017
08:15 – 09:45   Máluppgáva

09:45 – 10:15   Steðgur

10:15 – 13:45   Framseting
 

Danskt

23. mai 2017
08:15 – 09:45   Máluppgáva

09:45 – 10:15   Steðgur

10:15 – 13:45   Framseting
 

Enskt

29. mai 2017
08:15 – 09:45   Máluppgáva

09:45 – 10:15   Steðgur

10:15 – 13:15   Framseting
 

Støddfrøði

30. mai 2017
08:15 – 09:15   Fimisrokning

09:15 – 09:45   Steðgur

09:45 – 13:45   Greiðslurokning
 

 

Ferðsludagur fríggjadagin 3. mars


Dagurin verður sum vant hildin í Perluni í Tórsgøtu í Havn. Vit byrja stundisliga kl. 9.30

Næmingarnir mugu hava matpakkar við.

Eisini heita vit á tykkum at minna næmingarnar á, at telefonir og líknandi ikki kunnu verða nýtt, meðan uppleggini eru.


Vit gleða okkum at síggja tykkum!


Skráin er hendan:

09.30 Vælkomin! :-) 5
09.35 Ferðslan í Føroyum - koyrilærari 30
10.05 Arbeiðsdagur í ferðsluni - Løgreglan 30
10.35 Steðgur við yoghurt 15
10.50 Ferðsluvanlukkur - Ambulansutænastan 30
11.20 Matpakkar og MBM-kakaomjólk 30
11.50 Vit grunda, kjakast og taka støðu - sjónleikari 50
12.40 Steðgur 15
12.55 Tá vanlukkan rakar - avvarðandi 30
13.25 Steðgur 15
13.40 Rúsdrekkabrillur 20
14.00 Eftirmeting næmingar 35
14.35 glóð og farvæl - ansið eftir hvør øðrum! 10
14.45 Liðugt. Bussurin koyrir heim aftur :-)

 

 

 

Verkætlanarframløgur:

Hvør bólkur leggur fram í 20 min.

  • kl.9.00 - Jón Baldur, Rakul og Bjørg
  • kl.9.30 - Ró, Kristina R og Mortan
  • kl.10.00 - Jóan Pauli og Hanus
  • kl. 10.30 - Bjarta og Halla
  • kl.11.00 - Angela, Bára og Jonas
  • kl.12.00 - Anna Lóa, Mortan og Anna Lóa
  • kl.12.30 - Astrid, Kristina og Gudmundur

Jólahald fyri foreldrum og avvarandi

15.des. kl.19.00 - 20.30 verður jólahald hjá Hádeild.

Sjónleikur verður kl.19.00, og cafein letur upp kl.19.30.

yvirlit til viðtalur í 8.b :)

Týsktholdið í 9. a og b fer at selja pylsubreyð og pitsasniglar hvønn fríggjadag í matfríkorterinum :)
Stað: Urðin
Tíð: Matfríkorterið
Kostnaður: 1 pylsubreyð/pitsasnigil fyri 10kr, 3 fyri 20kr

Góðu foreldur

Vit vilja fegin bjóða tykkum til felags foreldrafund.

Danski sálafrøðingurin Jens Andersen fer at halda fyrilestur fyri okkum um tann týdning, ið foreldur hava á barnisins menning, felagskap, trivnað og læring í skúlanum.

Fyrilesturin er serstakliga um, at vit sum foreldur eru fyrimyndir hjá okkara børnum og um ta ábyrgd, sum foreldraleikluturin hevur við sær, t.d. um samstarv, menning av felagsskapum og um at seta børnum krøv.

Jens Andersen er ein væl dámdur og undirhaldandi fyrilestrarhaldari, sum nýtir skemt og ítøkilig dømi úr gerandisdegnum at lýsa barnauppaling og familjulív.

Dagur: týsdagin 20. september 2016 Kl.: 19 – 20.30      Stað: Læraraskúlahøllini

 

Tiltak í samstarv við Tórshavnar Kommunu

Skúlin á Argjahamri

Kunning frá Málráðnum

Ung og málið – talgild filmskapping. 10.000 krónur at vinna

Í tíðarskeiðinum frá mánadegnum 12. september 2016, kl. 17, og til mánadagin 19. september 2016, kl. 17, kunnu ung í aldrinum 14 – 20 ár kappast um besta talgilda filmin í kappingini hjá Málráðnum, sum hevur fingið heitið: Ung og málið. Kunning á heimasíðuni snar.fo og malrad.fo.
Sum fyrr sagt frá fara verkætlanirnar við filmunum ikki fram í skúlatíðini, og lærarar hava onga ábyrgd.
Hóast lærarar og skúlar sum so ongan leiklut hava í filmsverkætlanunum, so er ætlanin hjá Málráðnum við kappingini og hesari kunningini og tí, tit fingu í mai mánaði, at tit her hava høvi at geva teimum ungu íblástur.
Filmskappingin er eitt lið í Móðurmálsdegnum 2016, sum Málráðið skipar fyri. Eitt tiltak, har ráðið á hvørjum ári velur at varpa ljós á eitt serligt málsligt øki. Fyri 2016 hevur Málráðið valt evnið ung og málið.
Á almenna móðurmálstiltakinum ung og málið á Háskúlanum verður vinnarin avdúkaður og virðislønin á 10.000 krónur handað. Á tiltakinum eru eisini tónleikur, skriviverkstova, framløgur, upplestur, samrøður, filmar, kaffisøla og annað mangt.
Síggjast á Føroya Fólkaháskúla, Háskúlavegi 14, Tórshavn, leygardagin hin 1. oktober 2016, kl. 13-17!

Vinarliga Málráðið

Til heimini í hádeild!

Vit fara at heita á tykkum um at hjálpa okkum í okkara tilgongd við Vitanetinum.

Vitanet er ein læru- og skúlafyrisitingarskipan, sum kann geva kunnleika um uppmøting, heimaarbeiði, talmet og tímatal.

Skúlin hevur ikki havt eina elektroniska skrásetingarskipa, tí fegnast vit um at kommunan bjóðar okkum henda møguleikan, so at foreldur hava høvi til at kunna seg um t.d uppmøting.

Tit sum eru næmingar og foreldur í hádeild eru annar bólkurin á skúlanum, sum eru komin við á hesa skipan, so væntandi koyrir hon enn smidligari.

Á okkara heimasíðu logga tit tykkum inn á Vitanetið

Logg inn er:

Fyrsti bókstavur í fornavnið + fyrsti bóksatvur í eftirnavnið + DD.MM.AA.

Ella forbókstavir og føðingardag.

Loyniorð:

Foreldur123

Tá tit logga inn broyta tit loyniorð, sum nú er tykkara persónliga.

Heitt verður á tykkum um at boða frá á skrivstovuni, um okkurt er so tað ikki ber til at logga inn.

 

Argir 26.august 2016

Vinarliga   Marjun Holm, skúlastóri

Hey tit!
<3 -liga vælkomin aftur í skúla :)
Vit gleða okkum til eitt nýtt og spennandi ár saman við tykkum.

Bl.h toymið

Royndin í føroyskum 17.juni 2016

Hugnakvøld

Hóskvøldið verður hugnakvøld fyri 7.flokkunum.

Hugnakvøldið byrjar kl.18 og er liðugt kl.22.

Næmingarnir skulu vera pyntaðir eitt sindur, og vit fara at taka myndir :)

Hvør næmingur skal hava onkran mat við, so vit hava eitt gott sjálvtøkuborð til veitsluna.

Harafturat skulu teir hava okkurt til sín sjálvs at drekka og góðgæti til felagsborðið fyri 20-30 krónur.

Bomm: Gudmundur, Bjørg, Kristina O, Mortan, Kristina R, Jóan Pauli og Hanus

Kips: Rani S, Halla, Anna, Anna Lóa og Jonas

Dipp og súrrómi: Astrid, Bára, Rakul, Ró, Bjarta, Angela og Jón Baldur

 

Skrivligu ársroyndirnar


Føroyskt - 2. juni 2016

08:15 – 09:15~~ Fyrisøgn

09:15 – 9:45~~ Steðgur

9.45 – 12:45~~ Framseting


Støddfrøði - 3. juni 2016

08:15 – 09:15~~ Fimisrokning

09:15 – 09:45~~ Steðgur

09:45 – 12:45~~ Greiðslurokning

 

Munnligt føroyskt - 17.juni

Ein nýggjur drongur byrjar í flokkinum mánadagin 23.mai.

Vit bjóða honum vælkomnum :)

Várframsýningin

Várframsýning hjá skúlanum verður 10.mai frá kl 16.00 til kl 20.00.

Á framsýningini verður tað, sum næmingarnir hava fingist við í handaverki og list, sýnt fram.  

Tónleikurin fer á pallin kl 18.30.

 

7.b flokkur verður biðin at koma til busting á skúlanum mánadagin  02.05.16,

 Kl. 08.30 skulu 6 næmingar møta, restin fær boð so hvørt hini eru liðug.

 TANNBUST VIÐ!!!

 Um tað ikki liggur fyri hjá tykkum at koma hendan dagin, vinarliga sig okkum frá.

  

Vinarliga

Tannlæknastova                                                           

Tórshavnar Kommunu

Tlf. 30 25 25 fax. 30 25 29