Anne Linder kemur at tosa um góðu relatiónina millum børn og vaksin
Skrá:
1. Ársfrágreiðing
2. Fyrilestur við Anne Linder
3. Kaffisteðgur og prát
Menning og læring hjá einum barni er tætt knýtt at tí umsorgan og uppmerksemi, tað fær, - men eins týdningarmikið er, hvørjar góðar relatiónir barnið hevur í gerandisdegnum!
Flestu foreldur hava gott samskifti við børn síni, men relatiónirnar til lærarar og tey vaksnu í skúlanum eru eisini umráðandi.
Hóast munurin er hárfínur, so er munur á privatum relatiónum og teimum í skúlanum:
Námsfrøðiligu relatiónirnar í skúlanum eru ikki eitt mál í sjálvum sær, men alneyðugar fyri at barnið lærir, mennist og trívist.
Tann góða relatiónin kemur ikki av sær sjálvari, og tí hava vit í skúlanum í ár valt at seta samspælið ímillum næming og lærara á breddan við tí fyri eyga, at tað stuðlar upp undir læringina, menningina og trivnaðin!
Eitt er skúlin men, tit foreldur hava størst týdning í sambandinum millum børn og vaksin.
Vit ynskja tí at øll foreldur koma til ein felags foreldrafund, sum skúlastýrið skipar fyri mánakvøldið 19. nov. kl 19.00
Anne Linder hevur verið á skúlanum og hildið skeið fyri lærarunum og námsfrøðingum, og vit úbúgva í løtuni tríggjar vegleiðarar!
Anne Linder er sálarfrøðingur, rithøvundur og leiðari á Dansk Center for ICDP.
Anne hevur í meira enn 30 ár starvast við námsfrøði og sálarfrøði.
Hon hevur í seinastuni verið nógvar túrar í Føroyum og undirvíst lærarum, námsfrøðingum, sálarfrøðingum o.ø. í ICDP.
Vilt tú hava meira at vita um Anne Linder og ICDP, far so til: www.danskcenterfor-icdp.dk
Møtið fjølment.
Skúlastýrið í skúlanum á Argjahamri