Hesi lærarastørv eru leys at søkja í Skúlanum á Argjahamri
Hesi størvini eru fyri komandi skúlaár 2018/2019, vegna lækkað tímatal, serligan tørv, forskúla og avlopstímar.
Eitt av hesum tíðaravmarkaðu størvunum fær endaliga ásett tímatal 1. sept. 2018.
· 2 lærarar í fast starv
· 4 lærarar í tíðaravmarkað starv
· 1 starv fyri lærara í barnsburðarfarloyvi frá skúlaársbyrjan til 15. mars.
Søkt verður eftir lærarum sum
· duga væl at samstarva og samskifta
· vilja menna seg sjálvan og skúlan
· sýna næmingum og undirvísing sín eldhuga
· vilja fevna ymiskleikanum og styrka felagskapin
Førleikakrøv:
Læraraútbúgving og linjulestur ella samsvarandi førleika í nevndu undirvísingarpørtum og lærugreinum:
1. undirvísingarpartur
forskúli, føroyskt og støddfrøði
2. undirvísingarpartur
ítróttur/ge.
3. undirvísingarpartur
føroyskt, danskt, støddfrøði, alisfrøði, søga og ítróttur/ge
Lønar- og setanartreytir:
Lærarastørvini verða sett sum sáttmálasett størv, uttan so er, at tann, sum settur verður, er tænastumannasettur lærari frammanundan.
Lærarastørvini eru lønt í lønarflokki 18.1 – 29.2 sambært avtalu millum Fíggjarmálaráðið og Føroya Lærarafelag.
Umsóknir
Umsóknir við cv og avriti av prógvum og møguligum ummælum skulu vera skúlastjóranum í hendi í seinasta lagi hósdagin 31.mai 2018 kl. 15.00
Nærri kunning um størvini fæst við at ringja til
Marjun Holm, skúlastjóra, á tlf 302510 og 221466
Eisini ber til at senda teldupost til skúlan: sah@torshavn.fo
Skúlin á Argjahamri er skúli við forskúla til 9. flokki og frítíðarskúla.
Í skúlanum eru uml. 45 starvsfólk og ganga 387 næmingar í skúlanum.
Skúlin er býttur sundur í tríggjar undirvísingarpartar, grundeild, miðdeild og hádeild.
Okkara viðri eru: ábyrgd- álit – ávirkan – ágrýtni.